Ka chnat Textiles waka chnat C&RD ka sorkar Meghalaya hapoh i pyrtuid ki mar kitæ ka “Ryndia” wa “Tribal Weaves” wa pynlai yaaw da kini ki chnat deilang wa kiwi ki mar ka chnat Tourism waka Meghalayan Age, da lai mihkhmat ki ya ka jylla ha ka yaaw ya dai ya thied ka G20 International Craft Bazar kawa da pynman kam chibynta ka G20 Summit ha New Delhi.
Neiliang u Prime Minister ka ri, u Narendra Modi leh da lai pait u ya kini ki dukan ka Meghalaya wei da yaklam u leh wa ki bru ka jylla kiwa da khana chaphang kini ki mar wei u Modi da sñiawsuk u wow tip chaphang ki mar wa da pynmih pyn da iwa em hi hapoh ka rymaw khlem da pynemkaam da ki dawai wa chna da u bru nadooh i rukom pynmih ya ki kse thaiñ wa ki rong wa da pynemkaam ha ki that Meghalaya Eri Ryndia kiwa man leh katkam ka thong ka Sustainable Development Goals yow yaleh pyrchah yei ku i chit ka pyrthai.
Da yaroh u leh yei embynta ki kynthai wow pynmih ya kini ki that deiwa yoh khih ki da iwa ye u neh u sah wei khlem da ktah ya ka rym-aw.
Ya ka jylla Meghalaya da yahkhmat da u F.R. Kharkongor, Commissioner & Secretary Textiles & C&RD deiwa emlang leh ki sahep ka chnat yow mihkhmat ya ka jylla ha kani ka G20 Exhibition.
Discussion about this post