Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi deiwa pynman ya ka Quarter Final wa nyngkong.
Ka yalehke wa da pynman toh hapyrdi ka Lion SC waka Iawmulong Nartiang heiwa da jop suk ka Lion da 3-0.
ADVERTISEMENT
Ya kini ki kool ka Lion da thap da u Chanmitre Dkhar haka minit wa 22 wa 77 wa u Banteibor Syngkrem haka minit wa 59.
Da ini i jop, ka Lion da psiah syndon ko cha ka Semi Final.
Ka yakhun Quarter wa bood daw pynman mynstep hapyrdi ka Shangpung Khliehmuchut waka Khliehmynkreh heipor 11:30 i step.
Discussion about this post