Ka 7th U Debo Shullai Memorial Trophy kawa man leh ka 2nd Division Football Tournament 2024 wa pynman da ka West Jaiñtia District Sports Association (WJDSA) da pyndep sa ya ki yalehke Quarter Final ynne deiwa pynman ar tylli.
Ha ka yalehke wa nyngkong, ka Panaliar da jop ko ya ka Rising Sun Mukhla da 2-1.
Ka Panaliar da thap ko lyngba u Samhame Sumer ha ka minit wa 39 wa u Pynskem Shylla ha ka minit wa 59 katwa ya ka Rising Sun Mukhla da thap da u Stopper Bang ha ka minit wa 69.
Ha ka yalehke wa ar, ka Lumbhahdakha Wahiajer da jop ko ya ka Madankynsaw Mowkyndeng da 3-0 da ki kool wa thap u Rimiki Dhar ha ka minit wa 58 wa u Gideon Mukhim ha ka minit wa 62 wa 66.
Ki yalehke Semi u pynman ha ka 7 waka 8 tarik heiwa ha ka 7 tarik, ka Nangbah Dukhu daw yachem ko waka Panaliar heipor 2:00 waje i sngi katwa ha ka 8 tarik won, ka Lion Sports & Youth Affairs u yachem ko waka Lumbhahdakha Wahiajer heipor 2:00 waje i sngi.
Discussion about this post