Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ha ka yalehke wa nyngkong, ka Iawthymblien SC da jop ko ya ka Umladang SC da 3-1.
Ya ka Iawthymblien da thap da u Tremiki Lyngdoh ha ka minit wa 4, u Dawyo Suna ha ka minit wa 41 wa u Bistar Lyngdoh ha ka minit wa 55 katwa ya ka Umladang da thap da u Heipormi Nongtdeh ha ka minit wa 52.
Ha ka yalehke wa ar, ka Modop FC da jop ko ya ka Rakabah Hunlang FC da 2-1.
Ya ka Modop da thap da u Ribait Dkhar ha ka minit wa 34 wa 50 katwa ya ka Rakabah Hunlang da thap da u Obedaiah Biam (Own Goal) ha ka minit wa 25.
Ka yalehke wa le da kut ko da 0-0 hapyrdi ka Madur wa ka Kdiap Rising Sun.
Ki yalehke mynstep:
Mainroad SC Wahiajer Vrs Mukhla Wahchnong (10AM)
Nongdhar Nongthymme Vrs Mukhla Chohchrieh (12PM)
Shillong Police FT Vrs Goodwill Mupliang (2PM)
Discussion about this post