Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ha ka yalehke wa nyngkong, ka Lad Mukhla da jop ko ya ka Maitchaphrang FC da 3-0 da ki kool wa thap u Edison Challam ha ka minit wa 7, u Iohkmenlang Mukhim (Own Goal) ha ka minit wa 23 wa u Phalangki Sumer ha ka minit wa 57.
Ka yalehke wa ar da kut ko da 0-0 hapyrdi ka Laru SC wa ka Moobakhon Tyllilang FC.
Ha ka yalehke wa le, ka Mainroad Nartiang SC da jop ko ya ka Umladang Shiparalok FC da 5-1.
Ya ka Mainroad Nartiang da yoh wow thap da u Ebanskhem Nongtdeh ha ka minit wa 13, 21, 35 wa 65 wa u Pele Dkhar ha ka minit wa 35 katwa ya ka Umladang Shiparalok da thap da u Ribha Myrboh ha ka minit wa 68.
Ki yalehke mynstep:
Thadmynri SC Vrs Mukhla Nongrim (10AM)
Niriang SC Vrs Kremmyrsiang Youth Club SC (12PM)
Tympang Club Iongchiwiat Vrs Lumkynsaw (2PM)
Discussion about this post