Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ha ka yalehke wa nyngkong, ka Mukhla Wahchnong da jop ko ya ka Mainroad SC Wahiajer da 2-1.
Ya ka Mukhla Wahchnong da thap da u Embolden Phawa ha ka minit wa 17 wa u Deciousboy Nongrum ha ka minit wa 69 katwa ya ka Mainroad SC Wahiajer da thap da u Mewan Talang ha ka minit wa 31.
Ha ka yalehke wa ar, ka Nongdhar Nongthymme da jop ko ya ka Mukhla Chohchrieh da 2-1.
Ya ka Nongdhar Nongthymme da thap da u Promis Paslien ha ka minit wa 21 wa u Willson Sari (Own Goal) ha ka minit wa 55 katwa ya ka Mukhla Chohchrieh da thap u Arikis Suna ha ka minit wa 8.
Ha ka yalehke wa le, ka Shillong Police FT da jop ko ya ka Goodwill Mupliang da 4-1.
Ya ka Shillong Police da thap da u First Pillar Suchiang ha ka minit wa 3 wa ka Hat-Trick na u Iohbor Nonglyer uwa da thap ha ka minit wa 22, 66 wa 69 katwa ya ka Goodwill Mupliang da thap da u Modify Sna ha ka minit wa 25.
Ki yalehke mynstep:
Lad Mukhla Vrs Maskut (10AM)
Moobakhon Tyllilang Vrs Niriang Pdienlum (12PM)
Thadmynri Vrs Madansynrang SC (2PM)
Discussion about this post