Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ka yalehke wa nyngkong da kut ko da 2-2 hapyrdi ka Mukhla Mission wa ka Lummuriap SC. Ya ka Mukhla Mission da thap da u Wompher Phawa ha ka minit wa 9 wa 34 katwa ya ka Lummuriap da thap da u Juniyo Siangshai ha ka minit wa 15 wa u Alanrody Nongrum ha ka minit wa 32.
Ha ka yalehke wa ar, ka Risingsun Kdiap FC da jop ko ya ka Maitchaphrang FC da 4-2. Ya ka Risingsun Kdiap da thap da u Wanbha Sari ha ka minit wa 3 wa 67 wa u Useful Sari ha ka minit wa 40 wa 70 katwa ya ka Maitchaphrang da thap da u Same Pyngrope ha ka minit wa nyngkong wa u Nangroi Laloo ha ka minit wa 31.
Ha ka yalehke wa le, ka Laru SC da jop ko ya ka Mukhla Wahchnong SC da 2-1. Ya ka Laru da thap da u Lam Rymbai ha ka minit wa 18 wa u Armi Tamu ha ka minit wa 35 katwa ya ka Mukhla Wahchnong da thap da u Rikam Sumer ha ka minit wa 26.
Ki yalehke mynstep:
Shiparalok FC Umladang Vrs Nongthymme SC Nongdhar (10AM)
Mukhla Nongrim Vrs Shillong Police FT (12PM)
Lumkhudung Vrs Niriang SC (2PM)
Discussion about this post