Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da le tylli ki yalehke.
Ha ka yalehke wa nyngkong, ka United FC da jop ko ya ka Niriang SC da 3-1. Ya ka United da thap da u Eddyson War ha ka minit wa 23, u Avi Lamare ha ka minit wa 54 wa u Nathan Muksor ha ka minit wa 57 katwa ya ka Niriang da thap da u Defence Pale ha ka minit wa 26.
Ha ka yalehke wa ar, ka Mukhla Veterans da jop ko ya ka Tympang SC Iongshiwiat da 2-0 da ki kool wa thap u Deibormi Shylla ha ka minit wa 14 wa u Ricky Sari ha ka minit wa 32.
Ha ka yalehke wa le, ka Namdong Christian Club da jop ko ya ka Lumkynter FC da 8-2.
Ya ka Namdong Christian Club da thap da u Remember Pasi ha ka minit wa 9, u Starwel Sungoh ha ka minit wa 19, 21, 40 wa 60, u Waipor Myria ha ka minit wa 35, u Rimiki Myria ha ka minit wa 63 wa u Kriskot Mukhim ha ka minit wa 54 katwa ya ka Lumkynter da thap da u Plielad Dkhar ha ka minit wa 11 wa u Graceful Lamare ha ka minit wa 29.
Ki yalehke ha ka 16-09-26:
Mukhla Mission Vrs Mynkrem SC (10AM)
Moddymmai SC Vs Lad Mukhla (12PM)
Maya Club Wahiajer Vrs Moobakhon Tyllilang (2PM)
Discussion about this post