Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka sngi wa khatwi ynne ka sngi.
Ka yalehke wa da pynman toh hapyrdi ka Phramer waka Mynsngad heiwa ka Phramer da jop ko da 3-1.
Ya ka Phramer da thap kool da u Elias Saioo haka minit wa 48 wa 74 katwa ya ka Mynsngad da thap da u Banker Muksor haka minit wa 80+1.
Ka yalehke mynstep ka 9 tarik toh hapyrdi ka Mooknor Thadmuthlong waka Lumpyrtuh Mihmyntdu heipor 3:00 waje i sngi.
