Ka Meghalaya da yoh nyngkong ko ha ka Group 2 ka yalehbol ki chynrang ha ka U-21 wei daw yachem ko waka Manipur haka Semifinal ha ka 13 tarik.
Ka Mizoram da jop ko ya ka Manipur da 1-0 da ka kool wa thap u Rohlupuia ha ka minit wa 50.
Ka Mizoram kattu daw yachem ko waka Nagaland ha ka Semifinal wa nyngkong heipor 11:00 waje i step.
Ka Nagaland da rem ko ha ka Meghalaya da 2-1 da ka kool wa thap u Wadajied Kynsai Ryngkhlem ha ka minit wa 29 wa u Everbrightson Mylliempdah ha ka minit wa 62 heiwa ka Nagaland da su ko chi kool ha ka minit wa 88.
Ini mut i wa ka Meghalaya daw yachem ko waka Manipur heipor 4:30 i janmiet ha ka 13 tarik hi.
Ka Sikkim da yoh wa le ko ha ka Group 2 deiwa jop da 5-3 ya ka Arunachal Pradesh.
Ki yalehke mynstep daw pynman da ka U-17 ki kynthai heiwa ka Meghalaya daw yachem ko waka Arunachal haka Group 2 heipor 11:00 waje i step wei daw pynbood da ka Sikkim waka Assam heipor 3:30 i sngi ha ka Group 1.