Ka Arunachal Pradesh da lehbha ko ha ka sngi nyngkong ka yakob Taekwondo wa da pynman ha Assam Rifles Indoor Stadium, Laitkor deiwa yo le tylli ki takma ksiar.
Kiwa yoh takma ksiar ya ka Arunachal toh u Adit Tulang (Junior Boys Individual Poomsae), ka Khinsan Wangsu (Junior Girls Individual Poomsae) waka Radha Bangsia (Senior Girls Individual Poomsae).
Neiliang ka Mizoram da yoh takma ksiar da u Daniel Lalhumthanga ha ka Senior Boys Individual Poomsae.
Ya ki takma rupa da yoh da ka Assam lyngba u Nishant Singh Hazari (Junior Boys), ya ka Arunachal da u Ontey Khamblai (Senior Boys), ya ka Mizoram da Pansy Rampanzeli (Junior Girls) katwa ya ka Sikkim da yoh u Chultem Palmu Bhutia.
Da e leh ar tylli ki takma tama cha kiwa yoh wa le wa hei wa soo.
