Ka Assam da pteiñ ko wow yoh nyngkong hei boon takma ha ka 2nd North East Olympic Games 2022 hadooh wa kut ka sngi wa le ynne.
Hadooh ynne i miet, ka Assam da yoh ko 17 tylli ki takma ksiar, 11 tylli ki takma rupa wa 9 tylli ki takma tama deiwa pyntam ya ka Champion u 2018, Manipur kawa kattæ da em 11 tylli ki takma ksiar, 12 tylli ki takma rupa wa 13 tylli ki takma tama.
Ka Arunachal Pradesh da em ko hei wa le deiwa em 7 tylli ki takma ksiar, 6 tylli ki takma rupa wa 4 tylli ki takma tama katwa ka Mizoram da em ko hei wa soo deiwa yoh 4 tylli ki takma ksiar, 4 tylli ki takma rupa wa 8 tylli ki takma tama.
Ka Meghalaya da em ko hei wa san deiwa yoh 1 i takma ksiar, 5 tylli ki takma rupa wa 9 tylli ki takma tama. Ka Nagaland leh da em ko 1 i takma ksiar tangwa da em ko hadien ka Meghalaya deiwa khlem yoh takma rupa tangwa 4 tylli ki takma tama.
Ka Sikkim da em ko hei wa ynñiaw deiwa yoh 3 tylli ki takma rupa wa 8 tylli ki takma tama wei hei khaddooh da em ka Tripura kawa yoh 8 tylli ki takma tama.
I boon takma ksiar ka Assam toh deiwa lehbha kiwa yimpa ki ynnin ka sngi kiwa da yoh 6 tylli ki takma ksiar. Da dooh ki du kawi ka takma ksiar wa da yoh da ka u Sarungbam Athouba Meitei na Manipur ha ka Men’s 50m Backstroke.
