Katkam ka yukheiñ wa da yoh na ka sorkar Meghalaya, kiwa thap Vote neibynta ka Election MP Lok Sabha na waroh ar tylli ki Parliamentary Constituency ka jylla da em ki 22,26,567 ngut kiwa 10,99,517 ngut ki chynrang wa 11,27,047 ngut ki kynthai. Na kini da em 14,00,411 ngut neibynta ka Shillong Parliamentary Constituency katwa neibynta ka Tura Parliamentary Constituency won da em 8,26,156 ngut.
Na kiwa thap Vote ka Shillong Parliamentary Constituency, kiwa boon dooh toh ha East Khasi Hills kiwa em 6,08,136 ngut katwa kiwa duna dooh toh ha South West Khasi Hills kiwa em 75,647 ngut.
Ha West Jaiñtia Hills kiwa thap Vote da em ki 2,07,374 ngut heiwa ki chynrang toh 1,00,113 ngut katwa ki kynthai won da em ki 1,07,261 ngut kiwa daw lai thap Vote ha ki 312 tylli ki Polling Station wei na kini 20 tylli toh kiwa em ha khappood waka Assam katwa 11 tylli won ha khappood waka Bangladesh.
Ha East Jaiñtia Hills kiwa thap Vote da em ki waroh 97,839 ngut heiwa ki chynrang da em ki 48,042 ngut katwa ki kynthai won da em ki 49,797 ngut. Ki Polling Station waroh da em ki 153 tylli heiwa na kini da em 2 tylli ha khappood waka Assam katwa 3 tylli won ha khappood waka Bangladesh.
Deilang, kiwa thap Vote ha East wa West Jaiñtia Hills dapoi ki 3,05,213 ngut.
Ka East Jaiñtia Hills, South West Khasi Hills deilang waka Eastern West Khasi Hills kawa em 87,804 ngut toh ki District wa em hapoh 1 lak ngut kiwa thap Vote.
Kiwa boon dooh ki Polling Station toh ha East Khasi Hills kiwa em 1013 tylli katwa kiwa duna dooh toh ha South West Khasi Hills wa Eastern West Khasi Hills kiwa em mar 142 tylli.
Ha Garo Hills kiwa boon dooh kiwa thap Vote toh ha West Garo Hills kiwa em 3,76,256 ngut heiwa ki chynrang toh 1,87,446 ngut katwa ki kynthai won 1,88,809 ngut wei kiwa duna dooh toh ha South Garo Hills kiwa em 1,02,951 ngut.
Kiwa boon dooh ki Constituency toh kiwa em ha East Khasi Hills 17 tylli wei da pynbood da ka West Garo Hills 11 tylli.
Ka yukheiñ wa da yoh na ka sorkar man ko kamni ha wah:
Discussion about this post