Hadien wa da chem hapoh ka jylla Madhya Pradesh yei leh thok wow e SIM Card wei ha Chhattisgarh won da chem wa em uwi uwa dai SIM Card cha ki 25 ngut ki bru deiwa pynemkaam da ki kot ki sla yong kiwi won ki bru klem da tip ki.
Hadien ini neiliang ka Department of Telecom (DoT) deilang ki Telecom Service Providers da khang noh ki ya kini ki dukan wei ym chah de wow e SIM Card ki neini chakhmat.
Ki 25 tylli ki Mobile Connection kiwa da e, da takit ki yow pynsakhiat wei lada chem wa em i leh thok daw pyndam noh ki.
Ka DoT da pynche ko wa i e SIM Card khlem da bood kyndon kamjooh i pynkylla ya ki IMEI Number man ki kiwa pyrchah aiñ wei kiwa leh yeini u pynchitom ki hapoh ka aiñ Telecommunications Act, 2023 deiwa chah kset hadooh 3 snem wa ka kuna kawa ₹50 lak.
Da pynkynmoo leh cha kiwa chong chnong wym toh u e wow pynemkaam da kiwi ya ka SIM Card yong ki wei ymtoh leh wow chim SIM Card neibynta yong kiwi neibhah daw chah pynchitom leh kiwa pynchah pyrtuid.
Da maham leh ya kiwa pynemkaam da ki kot ki sla wa chna thok yow yaleh SIM Card.
Da kyntu ya kiwa chong chnong wow pyntikna ki ya ka Mobile Connection ki deiwa lai ha Sanchar Saathi Portal (www.sancharsaathi.gov.in) wei kamjooh deiwa pynemkaam da ka Mobile App heiwa ha kini ye wow pait kiwon ki Mobile Number kiwa da pynemkaam hei pyrtiud yong ki wei ye ki leh wow Block ya kini ki Number.
Discussion about this post