Ka Directorate of Revenue Intelligence (DRI) da yoh kem ko ya i drug Heroin wa khia hadooh 2,988.22 Kg wa da thap ha ki ar daba (Container) na Mundra Port ha Gujarat wei ha ini i jia da kem leh ya ar ngut ki bru.
Ya ini i drug da pyndur toh i Talc Powder wei da thied da ka Aashi Trading Company, Vijayawada, Andhra Pradesh, wei da kit na Afghanistan lyngba ka Bandar Abbas Port ha Iran da ka jhaad cha Mundra Port, Gujarat.
Da antaad wa ini i drug chongdor i kamwa palat T. 20,000 klur, wei man i leh i yoh kem ya i drug wa boon tam ha pyrthai
Neiliang ka DRI wa ki pulit dang pynman ki ya i takit hajrong ini.
