329 ngut kiwa yalehke wa leh ya ka Inter-District Transfer katkam ki kyndon ka MFA

Ka Meghalaya Football Association (MFA) da pynbna ko yei pyrtuid kiwa yalehke kiwa da pyndep ya ka Inter-District Transfer neibynta u snem 2025.

Waroh da em 329 ngut kiwa da leh yeini iwa da ku bha na 122 ngut ynnin u snem.

Ki Team wa em hapoh ka Shillong Sports Association da soi pyrtuid ki ya 95 ngut iwa boon dooh kiwa yalehke na kiwi ki District Association, ki Team wa em hapoh ka Thadlaskein Sports Association (TSA) da yoh ki 72 ngut kiwa yalehke wa da wan cha ki wei hei wa le da em ka Laskein Block Sports Association kawa da so yei pyrtui ki 28 ngut.

Waroh ki Sports Association kiwa soi pyrtuid man ki kamni

1. Shillong Sports Association- 95

2. West Jaintia District Sports Association- 12

3. Pendengumiong District Sports Association- 27

4. Mawkyrwat District Sports Association- 4

5. East Jaintia District Football Association- 54

6. Amlarem Sub-Division Sports Association- 17

7. Thadlaskein Sports Association- 72

8. Nongstion District Sports Association- 2

9. Laskein Block Sports Association- 28

10. Eastern Border Sports Association- 4

11. Tura District Sports Association- 5

12. Saipung Block Sports Association- 5

13. Riwar Mihngi Football Association- 2

14. Tyrsad Area Sports Association- 1

15. Mawshynrut Sports Association- 1 

Ka Thadlaskein wa boon pyrtuid wa soi ko toh neidaw wa dang dep pynkhai im thymme ya ka ynnin u snem da ka MFA.  

U General Secretary ka MFA, u Sunesh Syiem da pynkynmoo u cha waroh ki District Association wym chah ya kiwa yalehke wow yalehke ki palat ya kawi ka District Sports Association ha chi snem wei lada chem daw chah pynchitom kiwa yalehke deilang wa ki District Association. 

Ki pyrtuid kiwa yalehke kiwa da leh ya ka Inter District Transfer ye phi u Download heini.