Hadooh i por chiteiñ sngi, kiwa thap Vote neibynta ka Election MP 2024 ha Meghalaya dapoi ki 33.12% heiwa neibynta ka Shillong Parliamentary Seat dapoi 32.70% katwa neibynta ka Tura won 33.82%.
Ka thap Vote da man ko kawa ryntih khlem da em wa mih iwon iwon i thut hadooh wa pynmih khubor.
Neibynta ka Shillong Parliamentary Constituency ka Polling Station wa boon dooh kiwa thap Vote toh ha 17-Nongspung kawa em ha Rambrai Jyrngam kawa em 1274 ngut kiwa thap Vote katwa kiwa duna dooh toh ha 82-Kamsing wa em ha Amlarem wa ha 56-Photeitsim wa em ha Ranikor kiwa em mar 36 ngut kiwa thap Vote.
Ha 2-Tura Parliamentary Constituency ka Polling Station wa boon dooh kiwa thap Vote toh ha 12-Chandmary kawa em ha North Tura kawa em 1324 ngut kiwa thap Vote wei kiwa duna dooh toh ha 53-Narigre wa em ha Willamnagar kawa em 85 ngut kiwa thap Vote.
Deiwa kheiñ dei heh thaw won, hapoh ka Shillong Parliamentary Constituency iwa khian dooh toh ha 18-West Shillong kawa heh du 2 sqkm wei kawa heh dooh toh ka 34-Mawshynrut kawa 1530 sqkm.
Waroh kiwa thap Vote da em ki 22,26,567 ngut iwa da ku da 51,331 ngut nadooh ka Election MLA 2023 tangwa deiwa kheiñ nadooh ka Election MP ha u 2019 kiwa thap Vote da ku ki da 3,15,195 ngut.
Ha kani ka Election kiwa wan nyngkong dooh wow thap Vote chynrang wa kynthai Vote da yoh ki mar uwi u tre dieñ wa da thung ki hajan ka Polling Station.
Discussion about this post