Shillong: U Director of Health Services (MI), u Dr. Aman War ynne ka sngi da pyntip u wa kiwa dang yoh thymme ya u COVID-19 ha Meghalaya da em ki 41 ngut, wei napyrdi kini, 33 ngut toh ki bru paidbah. Ha East Khasi Hills da em 36 ngut kiwa yoh thymme ya u COVID-19, heiwa naki chnat chipai da em 6 ngut, ki CRPF 2 ngut, waki bru paidbah 28 ngut. Ha West Jaintia Hills da em 3 ngut, West Khasi Hills 1 wa West Garo Hills 1.
Da pyntip wa na kiwa yoh thymme ya u COVID-19 em leh kiwa liwan na baar jylla, wei hadooh ynne ka sngi kiwa liwan waroh cha ka jylla da em ki 24055 ngut. Hawa kylli wa lada kini kiwa yoh ya u COVID-19 toh kiwa liwan ha chwa ka 23 tarik, neibhah wa hadien wa khang ya ki Entry wa Exit Point da chah du yaki chnat chipai.
U Dr. War da pyntip u leh wa kiwa yoh thymme ynne ka sngi ya u khñiang COVID-19, ha West Garo Hills wa West Khasi Hills toh kiwa liwan na baar jylla, katwa ha West Jaiñtia Hills da em ki 3 ngut kiwa yabi na kiwa na Amlarem. 1 toh na Laitkor wa yabi na kiwa lai bia ha Greenwood Resort, 4 ngut na NEIGHRIMS wa kynthup 1 Nurse, 1 wa yabi na uwa yoh na Jaiaw, 1 pulit na Saipung, 1 na Shillong Civil Hospital, 1 wa yah Tourist Taxi wa 1 wa yabi na uni uwa yah kari.
Hawa kylli, u DHS da pyntip u wa em 4 ngut kiwa yabi hadooh kattæ na u Doctor ka Shillong Civil Hospital, wa kynthup 1 Nurse, 1 Lab Technician, 1 wa wa dang 7 snem, katwa 1 uwa man u pa wa yang kjut ya ini i khynnah wei kini toh kiwa na Mawphlang.
Hawa kylli chooh chooh, da pyntip u wa i ku kiwa yoh ya u COVID-19 ha NEIGRIHMS toh wa yabi na u BSF uwa lai phah sumaar ha Ortho Ward, wei i poor toh du hapyrdi kiwa sah Quarantine, deiwa pyntip leh wa hadooh ynne da em 22 ngut ha NEIGRIHMS kiwa yoh ya u COVID-19 wa kynthup ya 5 ngut ki Nurse, 1 Doctor katwa kiwi won toh kiwa kjut wa kiwa yang ya kiwa kjut.
Da pyntip u leh wa ynne ka sngi da em kawi ka manbei kawa khlaad ha NEIGRIHMS Hospital, wei kani ka manbei toh kawa em ya u khñiang COVID-19, tangwa ym em kheiñ won kam kawa chah ktah ha u COVID-19 neibhah wa da em chwa ko ya i chitom wa joor heipor wa lai rah ha katai ka Hospital.
Hawa pyntip deiwa kheiñlang hadooh ynne ka sngi, u Dr. War da pyntip u wa ha Meghalaya kiwa em ya u COVID-19 hadooh i por 1 waje i sngi em ki 580 ngut.
Ha East Khasi Hills- 479 ngut, heiwa ki BSF da em 243 ngut, ki bru paidbah 204 ngut wa na kiwi ki chnat chipai da em ki 32 ngut.
Ri Bhoi-52
East Jaiñtia Hills-15
West Jaiñtia Hills-13
West Khasi Hills-4
West Garo Hills-11
South West Garo Hills-4
East Garo Hills-1
North Garo Hills-1
South West Khasi Hills-0
South Garo Hills-0
Kiwa dang chait da em 6 ngut ki BSF na West Garo Hills wa 2 ngut na South Garo Hills kiwa liwan wei wa kini, kiwa chait da em ki 194 ngut.
Deiwa kheiñlang waroh nadooh kiwa da chait, kiwa dang em ya uni u khñiang wa kiwa yap, da poi 779 ngut kiwa da yoh COVID-19 ha Meghalaya.
Ki nongmuna wa da phah Test waroh da em 35021 tylli, 33492 tylli toh kiwa man Negative katwa kiwa dang yang yaka Report da em 750 tylli.
