35 minit u chah u thang bomkala hawa lehkmen Christmas wa snem thymme

Deiwa pyrkhat yei lehkmen Christmas wa u snem thymme wei yow pyntikna wa man chngaaiñ, iwa chait wa khiah wa iwa miat wa bha ya waroh kiwa chong chnong, neiliang u District Magistrate ka West Jaiñtia Hills da pynmih hukum u hapoh ka Section 163 BNNS yow khang yei dai wei thied ya ki bomkala wa chna cha baar ri.

I dai ya ki bomkala toh du da kitu kiwa da em License wei toh u dai ki ya ki bomkala wa da chna katkam ki kyndon wa da pynmih da ka Central Pollution Board.

Ka hukum da ong ko wa ki bomkala ymtoh u ood ki palat 125dB(AI) næ 145dB(C)pk 4 meter nei thaw wa tympdung ki. Da khang leh wow kdoh ter-ter ya ki bomkala iwa ood wei wa pynmih chiboon bha i jakhlia.

Da khang leh wow wow thang bomkala 100 meter na ki Hospital, ki Nursing Home, ki Primary wa District Health Care Center, ki thaw puræ puthi, ki yung bichaar wa ki yungmane wa kiwi ki thaw wa da pynbna kam ki Silent Zone da ki bor sorkar.

Related posts

Maham pynman yakhih ka JSM lada ym pynkylla ka sorkar ya ki kyndon khih mooyong

February 12, 2026

Mynjur ka sorkar pyrdi wow pynyinsur sa 6 bnai yei man DGP ka Idashisha Nongrang

February 12, 2026

I por thang bomkala u chah nadooh 11:55 PM hadooh 12:30 AM.

Kani ka hukum u krehkaam ko chisiendon hadooh wa kut ka lehkmen.