Lada pteiñ ka thma sa kattu katni por, ye u em i duna i phñiang ha jylla: Methodius

Hadien wa sdang ka thma hapyrdi ka Israel wa USA pyrchah ya ka Iran, i rukom pynpoi ya i phñiang da duna bha i ha kylleiñ ki ri ka pyrthai heiwa da em ki ri kiwa da pynbna wa sah sadu kattu katni sngi donhi i phñiang wow ye ki u pyndap yeiwa emkaam ki paidbah yong ki.

Heiyatoh wa i tieñsar yei duna i phñiang kam  i petrol wa diesel, neiliang u Minister ka Food Civil Supplies & Consumer Affairs ka jylla u Methodius Dkhar da ong u wa ym em duna i phñiang ha Meghalaya hanla em i wit i thut kamwa man cha kiwi ki ri.

Da ong u wa katkam wa man ha kylleiñ ka pyrthai, da em i yooluti wa daw duna i phñiang tangwa ymye wow pyntikna yeini. Da pynrap u deiwa ong wa ha Meghalaya ym em i duna i petrol wa diesel neibhah wa ka sorkar da pait bniah ko yeini.

U Methodius da ong u leh wa lada pteiñ ka thma sa kattu katni por, ye u em i duna i phñiang tangwa ka sorkar da booddien ko yeini heiwa daw pyntikna ko wym em i duna.

Related posts

Da sdang ya ka Meghalaya Lakadong Turmeric Integrated Development Mission wa Rs. 175 klur | Daw yoh myntoi ki 17,500 tylli ki manyung

July 21, 2026

Kah uwi ya ka kari u sahep sorkar hadien wa yoo ya ka kurim hapoh

July 21, 2026

Heijooh i por da ong u wa ka sorkar ym em yoh ko ya ka yutip wa daw em i duna i phñiang.

Da pyntip u leh wa ki DC wa ki bor District da booddien bha ki yeini i man i long heiwa da phah ya kiwa dai wymtoh u chim kabu ki yeini neibhah ye i wow wanrah yei sñiawthooh bakla. 

Heiytaoh won wa ka Odd-even Formula, da ong u wa katkam wa man kattæ ympu emkaam u leh yeini wei emkaam u pyntikna wa ym poi hadooh utæ u pood.