Kam chibynta wow pynkhreh ya ka 39th National Games kawa daw man ha u March 2027, neiliang ka Meghalaya da tyrwa ko wow pynman 39 tylli ki jait yalehke ha Shillong, Jowai wa Tura..
Kam chibynta ini, neiliang ka Indian Olympic Association (IOA) da thung ko da ka Games Technical Conduct Committee (GTCC) hei pait ka Sunaina Kumari kam ka Chairperson heiwa ki 5 ngut ki dkhot kani ka Committee dadep ki wow wan cha Meghalaya nadooh ka 2 hadooh ka 5 tarik uni u bnai yow pait yei pynkhreh.
Neiliang ka Sunaina Kumari da pynsñiaw ko yei hun yeiwa da yoo ko yei pynkhreh ya ki thaw yalehke ha Shillong wa Jowai kamjooh ya iwa dadep ka sorkar jylla wow chna.
Kini ki 39 tylli ki jait yalehke toh kiwa daw hap wow yoh yei mynjur da ka Indian Olympic Association hadien wa dep u yaklam wa ka Games Technical Conduct Committee.
Kini ki yalehke toh ka Archery, Athletics, Aquatics, Badminton, Basketball, Boxing, Canoeing & Kayaking, Cycling, Fencing, Football, Golf, Gymnastics, Hockey, Judo, Kabaddi, Karate, Lawn Bowls, Modern Pentathlon, Netball, Rowing, Rugby, Shooting, Squash, Sailing, Triathlon, Table Tennis, Tennis, Taekwondo, Volleyball, Weightlifting, Wrestling, Wushu, Yogasana, Arm Wrestling, Muay Thai, Sport Climbing wa Softball.
I tyrwa wow kynthup leh ya ka Taekwondo toh iwa dang emkaam yei mynjur ka IOA deiwa pyrkhat ya kiwa boon kiwa yalehke ka jylla.
Ki thaw pynman yalehke toh ha Shillong, Jowai wa Tura kiwa kynthup ya ka J.N. Sports Complex, Shillong Golf Club, NEHU Campus, Umiam Lake wa kiwi de ki thaw yalehke heiwa ha ka J.N. Sports Complex daw pynman ya ka Opening Ceremony.
Discussion about this post