Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa le ynne deiwa pynman biang soo tylli ki yalehke heiwa waroh da thap 18 tylli ki kool.
Ha ka yalehke wa nyngkong, ka Mulang Ialong da jop ko ya Loompyrdi Iongpiah da 6-0 lyngba ki kool wa thap u Share Mulieh ha ka minit wa 15, u Share Shylla ha ka minit wa 30, u Richard Dhar ha ka minit wa 42 wa 52, u Poisuk Dhar ha ka minit wa 45 wa u Dangait Mulieh ha ka minit wa 62.
Ha ka yalehke wa ar, ka Dongnein Sohmynting da jop ko ya ka Nangbah Pohchnong da 5-0 da ki kool wa thap u Chemi Lyngdoh ha ka minit wa 26 wa 39, u Wanki Kyndait ha ka minit wa 33 wa 56 wa u Nidawan Kharlukhi ha ka minit wa 38.
Ha ka yalehke wa le, ka Madan Thadmuthlong da jop ko ya ka Pynthor Langtein da 1-0 da ka kool wa thap u Precious Tang ha ka minit wa 65.
Ha ka yalehke wa soo, ka Moodymmai da jop ko ya ka Mustem East da 6-0 da ki kool wa thap u Solomon Chullai ha ka minit wa 6, u Enrique Pariat ha ka minit wa 8, 45, 50 wa 52 wa u Ebenezer Slong ha ka minit wa 70.
Ki yalehke daw pteiñ biang mynstep da soo tylli biang kiwa man kamni:
Lumiongkjam Vs Youth Welfare Pynthor Langtein (11:00 AM)
Ardamihki Demthring Vs Umchangiar (12:30 PM)
Mooknor Nangbah Vs Khliehchnong Ialong (02:00 PM)
FAM Vs Iooksi Youth Welfare (03:30 PM)
Discussion about this post