Phone u MP cha u GS ka KSU wa khanglaad ka yakhih ki yei roi i paar

by Wyrta Staff

July 17, 2024

Reading Time: 2 mins read

U General Secretary ka Khasi Students’ Union (KSU), u Donald V Thabah da khana u wa neiliang u Symbood Montri Rangbah ka jylla, u Sniawbhalang Dhar wa u MP ka Rajya Sabha, u Rakesh Sinha da Phone ki ya oo hadien wa ka seiñ da pteiñ ko wow kynreh ya ki kot ki sla yong kiwa kreh mylla kiwa wan na baar jylla.

Katkam wa khana uwa yahkhmat ka KSU, ha ka 9 tarik uni u bnai, u Symbood Montri Rangbah da Phone u, tangwa da sñiaw phylla wa kiwa boon ki Montri Sorkar ym tip ki ya ka aiñ Inter State Migrant Workmen Act, iwa da pynkulmar khlieh ya kiwa boon.

Chooh chooh da ong wa kani ka yakhih yong ka KSU ym em sahkut ko du ha kani ka jylla, tangwa dapoi cha ki chkoor yong ki MP cha Delhi, heiwa u MP ka Rajya Sabha, u Rakesh Sinha da Phone u deiwa ong wa i yakhih ka KSU da khanglaad ko ya ka roi ka paar.

U Donald da khana u wa da jubab u ya u MP wa ka jaitbru emkaam ko yei yada neibhah wa em du kamwa 15 lak ngut ki tre jylla, wei da pyntip u wa u Sinha da tyrwa u wow yaklam wa u Montri Rangbahdooh ka ri yow daw pynmankaam yei dawa ILP wei wow tipmit ya ka ktien Khasi hapoh ka 8^th Schedule.