Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa ynru deiwa pynman le tylli ki yalehke.
Ha ka yalehke wa nyngkong, ka Lakadong Ummat SCC da jop ko da 3-2 ya ka Bataw FC.
Ya ka Lakadong da thap da u Edifirst Shadong ha ka minit wa 16, u Ebormi Lyngdoh ha ka minit wa 31 wa u Winison Sumer ha ka minit wa 37 katwa ya ka Bataw da thap da u Jelmiki Lyngdoh ha ka minit wa 39 wa u Ram Lakhi ha ka minit wa 70.
Ha ka yalehke wa ar, ka Sonapyrdi FSC da jop ko da 1-0 ya ka Musniang DWKSC da ka kool wa thap u Kitbok Sutnga ha ka minit wa 63.
Ha ka yalehke wa le, ka Umrasiang Utd SC da rem ko da 1-3 ha ka Ratacherra CSC.
Ya ka Ratacherra da thap da u Misaial Bareh ha ka minit wa 6 wa u Gradely Mylliem ha ka minit wa 64 wa 67 katwa ya ka Umrasiang da thap da u Jemiki Rymbai ha ka minit wa 70.
Ki yalehke wa bood u pynman mynstep le tylli hi:
Mookympad SSCC Vs Dkhiah East SC (10:30 AM)
Umtyra YWSA Vs Nongsning Youth SC (12:30 PM)
Umlawang SC Vs Moopala SCSC (2:30 PM)
Discussion about this post