Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa san deiwa pynman le tylli ki yalehke.
Ha ka yalehke wa nyngkong, ka Moolang SC da jop ko da 1-0 ya ka Iongkaluh Wahsder da ka kool wa thap u Lambres Dkhar ha ka minit wa 38.
Ka yalehke wa ar da kut ko da 1-1 hapyrdi ka Suchen Lumiarain SC waka Musniang Rimon SC heiwa ya ka Suchen Lumiarain da thap da u Bestfull Suchen ha ka minit wa 39 katwa ya ka Musniang Rim da thap da u Paitlang Siangshai ha ka minit wa 18.
Ha ka yalehke wa le, ka Lumshnong YWSC da jop ko da 6-0 ya ka Shiborlang Pynthorsale da ka Hat-Trick na u Skhemborlang Rupai ha ka minit wa 13, 39 wa 45, ki ar kool na u Justin Niang ha ka minit wa 34 wa 68 wa chi kool na u Evening Pohshna ha ka minit wa 37.
Discussion about this post