Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa 14 deiwa pynman ar tylli ki yalehke.
Ha ka yalehke wa nyngkong, ka Cham Cham SSC da rem ko da 1-2 ha ka Mutong YWSC heiwa ya ka Cham Cham da thap da u Wilroes Phawa ha ka minit wa 48 katwa ya ka Mutong da thap da u Deimonkiru Dkhar ha ka minit wa nyngkong wa u Defence Phawa ha ka minit wa 55.
Ha ka yalehke wa ar, ka Lama Youth SSC da rem ko da 1-2 ha ka Rymbai Sports YWO heiwa ya ka Lama Youth da thap da u Hajanmi Rymbai ha ka minit wa 13 katwa ya ka Rymbai Sports da thap da u Solify Swer ha ka minit wa 42 wa u Eme Rymbai ha ka minit wa 52.
Ki yalehke mynstep u man ko hapyrdi ka Tuber Shohshrieh SSC waka Symplong SCSC heipor 12:30 pyrdi sngi wei daw pynbood da ka Dkhiah West SC waka Wahsanphaw SC Sohkymphor heipor 2:30 i sngi.
Discussion about this post