3rd Division EJHDFA: Jop ka Mulieh Youth, Bataw waka Ratacherra

Ka 3^rd Division ka East Jaiñtia Hills District Football Association (EJHDFA) da pteiñ biang ya ka ynne da le tylli ki yalehke.

Ha ka yalehke wa nyngkong, ka Mulieh Youth SSC da jop ko yaka Umlong United da 2-1.

Ya ki kool ka Mulieh Youth da thap da u Hamedahun Lamurong haka minit wa 54 wa 67 katwa ya ka Umlong da thap da u Sikel Nyalang haka minit wa 31.

Ha ka yalehke wa ar, ka Bataw FC da jop ko yaka Nongthymme SC da 3-0 da ki kool wa thap u Benison Suchiang haka minit wa 19 wa u Dameshwa Byrloi haka minit wa 23 wa 59.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka yalehke wa le, ka Ratacherra CSC da jop ko yaka Wapungshnong da 2-1.

Ya ka Ratacherra da thap kool da u Sumer Nongrum haka minit wa 7, u Shining Star Myrmen haka minit wa 15 katwa ya ka Wapungshnong da thap kool da u Helpme Dkhar haka minit wa 54.

Ini mut i wa ka Bataw FC waka Ratacherra CSC da yoh ki wow psiah cha ka Second Round kani ka 3^rd Division.