I chna pynbha pynmiat pynwandur ya ka madan Kiang Nangbah Stadium ha Jowai da lai i chaaid chaaid chakhmat dei yahkhmat u Symbood Montri ka sorkar jylla u Sñiawbhalang Dhar, u Montri ka chnat Sports & Youth Affairs u Wailadmiki Shylla chirup wa ki bor District ka West Jaiñtia Hills.
Ha ka 7-04-2026 u Wailadmiki da hiar lai pait sylli u ya i kreh ha kani ka madan chirup i emlang ki dkhot ka WJDSA, ki Contractor, kiwa kreh ka chnat Sports, ka DRDA wa kiwi.
Neiliang u Wailadmiki da ong u wa i wan pait sylli yong oo ha kani ka sngi toh wa em iwa e yumut ka WJDSA, kamtæ da wanlang ki wow pait, weiwa i kwah yong oo hi leh toh yow chna heitæ i rukom wow ya hunlang khamtam ka WJDSA kawa man ka tre wa pait ya kani ka madan.
U Wailadmiki da pyntip u wa ya ki thaw chong paidbah soodong ka madan da pynkreh lyngba ka poisa CSR.
Da ong u wa hadien wa chimkti u kam u Sports Minister wei kam u MLA kani ka thaaiñ, da man leh ka laad ka kabu ya oo wow yoh u mang poisa kamwa Rs. 17 klur neibynta u kylliang thymme noh ya u phlang Artificial Turf ha kani ka madan, u chna ya u Synthetic Athelitic Track, ka VIP Gallery katkam ka juk wa katni wa kiwi won ki bynta yow pynmyntoi ya ki paidbah ka Ri-loom Jaiñtia.
Heiyatoh wa i siang Artificial Turf da ong u wa emkaam u pynmadan pynmiat chwa ya ka madan, khnang yow lait u at ha ki por slap kamwa jooh yoo ha ki snem warim.
Hajrong i kreh liang wanang da ong u wa ye hi u kreh katni lait noh i siang ya u Synthetic Athletic Track wa hap u yang hadooh ki bnai tlang wym em slap de.
Ha kani ka sngi da khana u leh hajrong i pynkreh ya ka Swiming Pool kawa em hajan Kiang Nangbah Govt College Jowai, wa i pynkreh da lai i chakhmat wei da yooluti u leh wow pyndep heipor wa biang.
Discussion about this post