3rd Division EJHDFA: Jop ka Nongsning Youth wa ka Umstain

Ka 3^rd Division 2026 ka East Jaintia Hills District Football Association (EJHDFA) dapoi ko cha ka sngi wa khad-ar ynne deiwa pynman le tylli ki yalehke.

Ha ka yalehke wa nyngkong, ka Nongsning Youth SC da jop ko da 3-1 ya ka Wapungskur SSWO.

Ya ka Nongsning da thap da u Spain Dkhar ha ka minit wa 41 wa 53 wa u Jes Sympli ha ka minit wa 68 katwa ya ka Wapungskur da thap da u Kner Siang (OG) ha ka minit wa 40+1.

Ka yalehke wa ar da kut ko da 1-1 hapyrdi ka Dongumsngad SC Byndihati wa ka Evergreen SC Ladwahwapung. Ya ka Dongumsngad da thap da u Vesco Shylla ha ka minit wa 34 katwa ya ka Evergreen da thap da u Riewmos Dkhar ha ka minit wa 51.

Related posts

Psiah Final ka Kremmyrsiang ha ka 1st Division, jop ka Tluh ha ka Super Division ka SBSA

October 26, 2026

Jop ka Niriang ha ka 1st Division, ka Lumphyrnai Sohphoh da 9-1 ha ka Super Division ka TSA

October 26, 2026

Ha ka yalehke wa le, ka Umstain SSCC da jop ko da 5-2 ya ka Seiñ Khynroo SC Umsatai.

Ya ka Umstain da thap da u Thomas Suchiang ha ka minit wa 7 wa 11, u Eveningland Pohshna ha ka minit wa 33 wa 53 wa u Daemetre Ladong ha ka minit wa 77 katwa ya ka Seiñ Khynroo da thap da u Jewel Sympli ha ka minit wa 2 wa 58.