3rd Division EJHDFA: Psiah Quarter ka Dkhiah West, Lumshnong wa Lakadong Ummat

Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa le ka Round of 16 deiwa pynman le tylli ki yalehke.

Ha ka yalehke wa nyngkong, ka Suchen Mulieh YWSC da rem ko da 0-1 ha ka Dkhiah West SC da ka kool wa thap u Synran Langmiki Phawa ha ka minit wa 80+2.

Ha ka yalehke wa ar, ka Lumshnong YWSC da jop ko da 2-1 ya ka Moolang SC heiwa ya ka Lumshnong da thap da u Demi Khonglah ha ka minit wa 16 wa u Shkemborlang Rupai ha ka minit wa 40+1 katwa ya ka Moolang da thap da u Refine Dkhar ha ka minit wa 80+4.

Ka yalehke wa le da kut ko da 1-1 hapyrdi ka Musniang Rim SC waka Lakadong Ummat SCC heiwa ya ka Lakadong Ummat da thap da u Nineky Suchen ha ka minit wa 40 katwa ya ka Musniang Rim da thap da u Niki Dkhar ha ka minit wa 61.

Related posts

Pdengshakap Football Tournament: Psiah Final sa ka Border Line deiwa jop ko ya ka Rymbai Shkenshynriah

March 28, 2026

Poi ka 3rd Inter School Football Championship 2026 ka Shangpung School Association cha wakut

March 28, 2026

Yow yoh ya kiwa jop, da pynman da ka yachut Tie-Breaker heiwa ka Lakadong Ummat da jop ko da 2-0.

Kamtæ ka Dkhiah West, ka Lumshonng YWSC wa Lakadong Ummat da yoh ki wow psiah Quarter Final.