Ka 3rd Division ka East Jaiñtia Hills District Football Association (EJHDFA) da pteiñ biang ynne da ki yalehke ka Round of 16 heiwa da pynman ar tylli ki yalehke.
Ka yalehke wa nyngkong da kut ko da 1-1 hapyrdi ka Ratacherra CSC waka Khliehmyntriang SC.
Ka Khliehmyntriang da yoh ko wow thap kool mar ya sdang haka minit wa 3 lyngba u Raplangki Lyngdoh tangwa ka Ratacherra da su kylliang ha ka minit wa 34 lyngba u Gradely Mylliem wei hadieni ini ym em de wa yoh u pynkhih jaar.
Kamtæ da pynman da ka yachut Tie-Breaker heiwa ka Khliehmyntriang SC da jop ko da 5-3 yow psiah Quarter Final.
Ka yaleke wa ar leh da pynkut da ka yachut Tie-Breaker hapyrdi ka Bataw FC waka TRC Lummyrli kawa da kut da 2-2.
Ka Lummyrli da toh ko wow thap nyngkong haka minit wa 9 lyngba u Winson Bamon tangwa ka Bataw da yoh ko chi kool da kawa thap bakla uwa yaleh ka Lummyrli hi haka minit wa 16 lyngba u Firstborn Pohlong, kamtæ ka kylla step da kut ko da 1-1.
Ha ka kylla miet won, ka Bataw da yoh ko wow thap nyngkong lyngba u Hiwot Patwet haka minit wa 67 tangwa ka Lummyrli da su kylliang ko haka minit wa 83 lyngba u Firstborn Pohlong haka minit wa 83 uwa da pyntikna wym em de bakla u kam ha ka kylla step.
Ha ka yachut Tie-Breaker, ka Lummyrli SC da jop ko da 3-2 yow psiah cha ka Quarter Final.
Ka yalehke wa bood u pynman ha ka 11 tarik hapyrdi ka Mutong Youth SC waka Pynthorsale SC heipor 10:30 i step wei daw pynbood da ka Umrasong SC waka R. Madanpynriang SC heipor 12:30 i sngi.
Discussion about this post