Ka 3rd Division ka East Jaiñtia Hills District Football Association (EJHDFA) da pteiñ biang ynne da ki yalehke ka Round of 16 heiwa da pynman ar tylli ki yalehke.
Ka yalehke wa nyngkong hapyrdi ka Mookympad SC waka Tuberchohchrieh SC da kut ko da 1-1.
Ya ka Mookympad da thap kool da u Khotlang Syrti haka minit wa 7 katwa ya ka Tuber Chohchrieh da thap da u Pidawan Bang haka minit wa 26.
Kamtæ da pynman da ka yachut Tie-Breaker yow rai ya kiwa jop heiwa ka Tuber Chohchrieh da jop ko da 3-1.
Ha ka yalehke wa ar, ka Moosianglamare New da jop ko yaka Wahsanphaw Sohkymphor SSC da 3-1.
Ya ki kool ka Moosianglamare New da thap da u Meban Nongtdu haka minit wa 21, u Nangjop Nongtdu haka minit wa 26 wa u Ebor Nongtdu haka minit wa 53 katwa ya ka Wahsanphaw Sohkymphor da yoh u thap da u Mebantei Suchiang haka minit wa 42.
Kamtæ ka Tuber Chohchrieh waka Moosianglamare New da yoh ki wow psiah cha ka Quarter Final.
Ki yalehke wa bood u pynman ha ka 8 tarik hapyrdi ka Khliehmyntriang SC waka Ratacherra CSC heipor 10:30 i step wei daw pynbood da ka Bataw FC waka TRC Lummyrli heipor 12:30 pyrdi sngi.
Discussion about this post