Phah ka sorkar wow dam pynemkaam yei dawai Digene

Ka Company wa chna dawai kawa na USA kawa tip kam ka Abbot da chim ko yei rai wow pynlang biang yei dawai Acid wa tip kam i Digene Gel napoh India hadien wa phah ka Drug Controller General of India (DVGI). Ini i dawai toh iwa lai yaaw bha ha India yow pynduna i ku Acid ha kiwa boon ki bru.

I daw wa da leh yeini toh hadien wa ki bru da chem ki wa kthang ini i dawai manda dih wei sma i leh heijooh i por.

Ha ka 31 tarik u Naisaphra, ka DCGI da pyntip paidbah ko wow dam chwa wow pynemkaam ya kini ki dawai Gigene iwa da chna hapoh ka karkhana wa em ha Goa. Da phah leh ya waroh ki Wholesalers wow dam u pynlai yaaw ya kini ki dawai hanla ym pu em kut i por i.

Da phah leh ya ki Doctor wow pynsñiawthooh ya kiwa wan thooh dawai wym toh u pynemkaam ya ini i dawai wei wow pyntip cha ka sorkar lada em kiwa chah ktah nei dih ya ini i dawai.

Related posts

Yaroh u nong German ya ka India hadien wa chah sumaar dait ksaw dei mynkna

April 11, 2026

Dang yang ka sorkar ya ka bui heiyatoh wa ka 108 Emergency Services: Wailadmiki

April 10, 2026

Ka DCGI da pyntip ko leh wa ha ka 9 tarik u Naisaphra iwi i klong ini i dawai Digene Gel Mint Flavour wa da pynemkaam da kiwa jooh pynemkaam toh iwa jooh thiang wei i rong leh toh u man dei rong Pink tangwa da kylla rong i chei rong lieh wei da sma i leh katkam ka ujor wa da yoh.

Kamtæ ka Company wa chna ya ini i dawai da chim ko dei rai yong ka hi wow lai pynlang wei wow chim biang ya kini ki dawai wa da em ha ki yaaw ki haat.