Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa ar ka Round of 16 deiwa pynman ar tylli ki yalehke.
Ka yalehke wa nyngong da kut ko da 1-1 hapyrdi ka Nongthymme SC wa Tuber Kmaishnong CSC heiwa ya ka Nongthymme da thap da u Ebormi Sympli ha ka minit wa 36 katwa ya ka Tuber Kmaishnong da thap da u Samewaki Ryngkhlem ha ka minit wa 74.
Kamtæ da pynman dei yachut Penalty heiwa ka Tuber Kmaishnong da jop ko da 4-3.
Ka yalehke wa ar leh da kut ko da 1-1 hapyrdi ka Wapungshnong SC wa Evergreen SC Ladwahwapung heiwa ya ka Wapungshnong da thap da u Damang Ryngkhlem ha ka minit wa 17 katwa ya ka Evergreen da thap da u Satisfy Lamo ha ka minit wa 47.
Ha kani ka yalehke leh da hap pynman da ka yachut Penalty heiwa ka Wapungshnong da jop ko da 3-1.
Kamtæ ka Tuber Kmaishnong waka Wapungshnong da yoh ki wow psiah Quarter Final.
Discussion about this post