3rd Division: Jop ka Ardamihki Demthring waka Iooksi Youth Welfare

Ka 4^th U Adelbert Laloo Memorial Trophy kawa tip leh kam ka 3^rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa soo ynne deiwa pynman biang soo tylli ki yalehke.

Ka yalehke wa nyngkong da kut ko khlem em wa thap hapyrdi ka Lumiongkjam waka Youth Welfare Pynthor Langteiñ.

Ha ka yalehke wa ar, ka Ardamihki Demthring da jop ko ya ka Umchangiar da 3-1. Ya ka Ardamihki Demthring da thap kool da u Justify Ryngkhlem haka minit wa 18 wa u Damgkermio Ryngkhlem neitæ u Heisa Ryngkhlem katwa ya ka Umchangiar da thap da u Tremi Phawa haka minit wa 40.

Related posts

Jop ka Mookyndur ha ka Super Division ka TSA

September 12, 2025

Jop ka Khliehmyntang Ialong, ka Lumbahdakha Wahiajer wa ka Giovento Mynso ha ka 2nd Division ka WJDSA

September 12, 2025

Ka yalehke wa le da kut ko da 1-1 hapyrdi ka Mooknor Nangbah waka Khliehchnong Ialong heiwa ya ka Mooknor da thap da u Pynshngain Hinge ha ka minit wa 14 katwa ya ka Khliehchnong da thap da u Sainkiru Pale ha ka minit wa 4.

Ha ka yalehke wa soo, ka Iooksi Youth Welfare da jop ko ya ka FAM da 1-0 da kool wa thap da u Pyrkhat Paslein haka minit wa 30.