Ka 3rd Division Football Tournament ka West Jaiñtia District Sports Association (WJDSA) wa tip leh kam ka 3rd U Adelbert Laloo Memorial Trophy da pteiñ ya ka ynne ka sngi da le tylli ki yalehke.
Ha ka yalehke wa nyngkong, ka Khliehshnong Ialong da jop ko yaka Mookaswan Dongnein da 1-0 lyngba ka kool wa thap u Sainhikiru Pale ha ka minit wa 8.
Ka yalehke wa ar da kut ko da 0-0 hapyrdi ka Myrjai waka Newhill.
Ha ka yalehke wa le won da jop ka Chyrmang Wah yaka Salaroh da 3-0 lyngba ki kool wa thap da u Niwan Syad haka minit wa 8, u Wanskem Khlem haka minit wa 38 wa u Lamki Dkhar haka minit wa 63.
Ki yalehke mynstep u pynman hapyrdi ka Lumbhahdakha waka Moodop Royal heipor 12:30 i sngi, ka Catholic Youth Mihmyntdu waka Riatsaliya Mihmyntdu heipor 2:00 waje i sngi wei daw pynkut da ka Mookyrdup waka Mupliang heipor 3:30.
