3rd Division: Jop ka Lumchyrmang Mihmyntdu waka Iooksi

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.

Ha ka yalehke wa nyngkong, ka Lumchyrmang Mihmyntdu da jop ko yaka Loompyrdi Iongpiah da 3-1.

Ya ka Lumchyrmang Mihmyntdu da thap kool da u Sooki Chyrmang haka minit wa 24, u Ohi Dkhar haka minit wa 52 wa u Wanphi Chyrmang haka minit wa 59. Katwa ya ka Loompyrdi Iongpiah da thap da u Salan Passah haka minit wa 31.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Ha ka yalehke wa ar, ka Iooksi SC da jop ko yaka Lumsliarsliar da 2-0 da ki kool wa thap u Pyrshang Tangliang haka minit wa 44 wa u Ngaitni Syngkon haka minit wa 58.

Ki yalehke mynstep u pynman biang ar tylli kiwa daw sdang da ka Risingsun Mukhla waka Saindur Mihmyntdu heipor 10:30 i step wei daw pynbood da ka Catholic Youth Mihmyntdu waka Pamanik heipor 12:00 waje pyrdi sngi.