3rd Division: Jop ka Lumkhangdong waka Da-I-Hi Mynsngat

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da soo tylli ki yalehke.

Ha ka yalehke wa nyngkong, ka Lumkhangdong Kyndongtuber da jop ko yaka Youth Social Welfare Pynthor da 5-0 da ki kool wa thap u Risid Dkhar haka minit wa 9, u Damepaia Shylla haka minit wa 21 wa 34, u Leiyoo Phawa haka minit wa 29 wa u Phourki Chyrmang haka minit wa 70.

Ka yalehke wa ar da kut ko da 2-2 hapyrdi ka Lumpyrtuh Mihmyntdu waka Madan Thadmuthlong.

Ya ka Lumpyrtuh Mihmyntdu da thap kool da u Heimonmi Dkhar haka minit wa 55 wa u Monlang Phawa haka minit wa 70+3. Ya ka Madan Thadmuthlong da thap da u Precious Tang haka minit wa 7 wa 46.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Ka yalehke wa le da kut ko da 0-0 hapytrdi ka Moodop Royal waka Riatsaliya Mihmyntdu.

Ha ka yalehke wa soo, ka Da-I-Hi Mynsngat da jop ko yaka Lumchyrmang Mihmyntdu da 2-1.

Ya ki kool ka Da-I-Hi Mynsngat da thap da u Lamjingkyrmem Muksor haka minit wa 14 wa u Pynskhem Mukhim haka minit wa 20. Katwa ya ka Lumchyrmang Mihmyntdu da thap da u Fredi Chyrmang haka minit wa 33.

Ki yalehke mynstep daw pynman ar tylli hapyrdi ka Mookynphad Mihmyntdu waka Saindur Mihmyntdu heipor 10:30 i step wei daw pynbood da ka Mupliang waka Pateinki Sabah heipor 12:00 waje i sngi.

Mynstep leh u sdang ka Independence Day Cup Under-17 Football Tournament heiwa daw pyman ar tylli ki yalehke kiwa daw pynman heipor 1:30 i sngi wa heipor 3:00 waje.