Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia Sports Association (WJDSA) da pteiñ biang ya ka ynne ka sngi da soo tylli ki yalehke.
Ha ka yalehke wa nyngkong, ka Moodop Royal da jop ko yaka Catholic Youth Mihmyntdu da 2-1.
Ya ka Moodop Royal da thap kool da u Wanshwa Laloo haka minit wa 9 wa 55 katwa ya ka Catholic Youth Mihmyntdu da thap da u Firsterborn Talang haka minit wa 53.
Ha ka yalehke wa ar, ka Pateinki Sabah da jop ko yaka Sohmynting Dongneiñ da 4-0 lyngba ki kool u Treimi Shylla haka minit wa 3 wa 33, u Pynshngain Shylla haka minit wa 47 wa u Lakhon Dkhar haka minit wa 65.
Ha ka yalehke wa le won, ka F.A.M da jop ko yaka Kseh Sylle Ialong da 1-0 da ka kool wa thap u Pynshngainmiki Papang haka minit wa 36.
Ha ka yalehke wa khaddooh won, ka Mookyrdup da jop ko yaka Khliehmyntdu Neiñchnong Mihmyntdu da 2-0 lyngba ki kool wa thap u Nidaiar Kamar haka minit wa 65 wa 70+1.
Ki yalehke u pteiñ ha ka 10 tarik da soo tylli biang deiwa sdang da ka Lumkhangdong Kyndongtuber waka Luti Tuber Ialong heipor 10:30 i step. Ka Nangbah Khloopano waka Lumpyrtuh Mihmyntdu heipor 12:00 waje pyrdi sngi. Ka Madan Thadmuthlong waka Samaro heipor 1:30 i sngi. Ka Royal Pole Mihmyntdu waka Mulang Ialong heipor 3:00 waje i sngi.
