U Montri Rangbah ka jylla, u Conrad Kongal Sangma da pyntip u wa katni dang em i thooh bniah yow pynpoi ya ka luti rel cha ki bynta yong ka East Jaiñtia Hills hadooh Khliehriat kawa man leh kam ka District Headquater. Tangwa da ong u wa ini i thmu chong i ha i yaklam wa waroh kiwa embynta nadooh kiwa yahkhmat chnong wei kamjooh ki paidbah.
Hawa klam ynne ka sngi wa kiwa thoh khubor da ong u wa heiyatoh waka luti rel na Ri-Bhoi wa East Khasi Hills District kawa na Byrnihat hadooh Shillong da dep wow pynsangeh chwa, wei da dep u yaklam waka sorkar India wa ya kani ka poisa wa da booh yow pynchna ya ka luti rel daw rah yow pynemkaam ka cha kiwi ki bynta ka jylla kiwa pdiang ya ka luti rel.
Kamtæ da ong wa wa da me i lai puræ bniah neiliang ka East Jaiñtia Hills yow wanrah luti rel hadooh Khliehriat, u Conrad da ong u wa kamwa man kattæ, ka sorkar India ym ye de ko u yang slem wow wanrah luti rel hadooh ha Shillong wei lada ym ye wow lai chakhamt ye ka sorkar u pyndam noh ya kani wei daw thooh da kawi ka laad yow wanrah luti rel ha iwon iwon i thaw wa em kiwa chah.
