Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa khynde ynne deiwa pynman biang soo tylli ki yalehke.
Ha ka yalehke wa nyngkong, ka Mookaswan Dongwah da jop ko ya ka Mooknor Nangbah da 3-1 heiwa ya ka Mookaswan da thap u Patrick Ryngkhlem ha ka minit wa 14, u Khel Shylla ha ka minit wa 60 wa u Kermi Shylla ha ka minit wa 67 katwa ya ka Mooknor da thap da u Pynshngaiñ Hinge ha ka minit wa 17.
Ha ka yalehke wa ar, ka Loompyrdi Iongpiah da jop ko ya ka Nangbah Khloopano da 2-0 lyngba ki kool wa thap u Turweinam Lakiang ha ka minit wa 27 wa u Khroo Laloo ha ka minit wa 57.
Ha ka yalehke wa le, ka New Hill da jop ko ya ka Pammanik da 3-0 da ki kool wa thap u Hamedamanbha Thma ha ka minit wa 13 wa 39 wa u Fabian Gatphoh ha ka minit wa 52.
Ha ka yalehke wa soo, ka Madan Thadmuthlong da jop ko ya ka Kseh Sylle Ialong da 1-0 da ka kool wa thap u Heibormi Suchiang ha ka minit wa 49.
Mynstep u pteiñ ki yalehke da soo tylli biang kiwa man kamni ha wah:
Da-I-Hi Mynsngat Vs Riat Saliya Mihmyntdu (11:00 AM)
Dong Nein Sohmynting Vs Lumchyrmang Mihmyntdu (12:30 PM)
Lum Sliarsliar Vs Luti Tuber Ialong (02:00 PM)
SC SC Nonglatem Vs Ardamihki Demthring (03:30 PM)
Discussion about this post