Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa phra ynne deiwa pynman biang soo tylli ki yalehke.
Ka yalehke wa nynkong da kut ko da 1-1 hapyrdi ka Iooksi Welfare waka Pynthor Langtein heiwa ka Iooksi da yoh ko wow thap nyngkong ha ka minit wa 5 lyngba u Reshan Paslien katwa ka Pynthor Langtieñ da yoh ko wow su kylliang ha ka minit wa 7 lyngba u Sniawhun Suting.
Ka yalehke wa ar da jop da ka Mookynphad Mihmyntdu ya ka Youth Welfare Pynthor da 1-0 lyngba ka kool wa thap u Wailad Shylla haka minit wa 22.
Ha ka yalehke wa le, ka Myrjai da jop suk ko ya ka Umchangiar da 6-0 da ki kool wa thap u Elast Dkhar haka minit wa 7, 10, 57 wa 62, u Ngaitlang Lamare haka minit wa 22 wa u Sperbha Syntem haka minit wa 33.
Ha ka yalehke wa soo, ka Pasyih Cultural da jop ko ya ka West Madan Mustem da 2-1 heiwa ya ka Pasyih da thap da u Deiwi Rymbai ha ka minit wa 54 wa u Phem Dkhar ha ka minit wa 70+1 katwa ya ka West Madan Mustem da thap da u Zumi Tariang ha ka minit wa 22.
Ki yalehke mynstep u pynman biang soo tylli kiwa man kamni ha wah:
Mookaswan Dong Wah Vs Mooknor Nangbah (11:00 AM)
Nangbah Khloopano Vs Loompyrdi Iongpiah (12:30 PM)
Pammanik Vs Newhill (02:00 PM)
Madan Thadmuthlong Vs Kseh Sylle Ialong (03:30 PM)
Discussion about this post