Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.
Ha ka yalehke wa nyngkong, ka Mookyrdup da jop ko yaka Umshangiar da 2-0 da ki kool wa thap u Daohi Kharbih haka minit wa 15 wa u L. Niang haka minit wa 52.
Ka yalehke wa ar leh da kut ko da 2-0 deiwa jop ka Sohmynting Dongnein yaka Khlieh Myntdu Neinshnong da ki kool wa thap u Shan Dkhar haka minit wa 18 wa u Sainbor Kassar haka minit wa 70.
Mynstep leh daw pynman ar tylli ki yalehke kiwa daw sdang da ka Youth Social Welfare Pynthor waka Nangbah Mooknor heipor 10:30 i step wei pynbood won saka Tpep-Pale waka Lumkhangdong Kyndongtuber heipor 12:00 waje pyrdi sngi.
Discussion about this post