Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Arphaw-soo deiwa pynman so tylli ki ka yalehke wa khaddooh chwa wow sdang noh ki yalehke Pre-Quarter.
Ha ka yalehke wa nyngkong, Da I Hi Mynsngat da jop ko ya ka Nangbah Pohshnong da 3-0 da ki kool wa thap u Depson Tokbi ha ka minit wa 7 wa 42 wa u Pyndap Pyrtuh ha ka minit wa 45.
Ha ka yalehke wa ar, ka Royalpole Mihmyntdu da jop ko ya ka Mulang Ialong da 3-1 heiwa ya ka Royalpole Mihmyntdu da thap da u Dahun Bang ha ka mini wa 23 wa u Chanbor Krem ha ka minit wa 35 wa 47 katwa ya ka Mulang Ialong da thap da u Somit Pale ha ka minit wa 70.
Ha ka yalehke wa le, ka Loompyrdi Iongpiah da jop ko ya ka Saindur Mihmyntdu da 1-0 da ka kool wa thap u Salan Passah ha ka minit wa 45.
Ha ka yalehke wa soo, ka Luti Tuber Ialong da jop ko ya ka Pynthor Youth Social Welfare da 2-1 heiwa ya ka Pynthor da thap kool da u Fredric Dhar ha ka minit wa 26 katwa ya ka Luti Tuber Ialong da thap da u Chalin Lyngdoh ha ka minit wa 59 wa u Kam Lhuid ha ka minit wa 64.
Ki yalehke Pre Quarter Final man ki kamni:
Riatsaliya Vrs Loompyrdi Iongpiah (23-08-24 heipor 12:30 PM)
Newhill Vrs Phramer (23-08-24 heipor 2:30 PM)
Iooksi Youth welfare Vrs Lumpyrtuh Mihmyntdu (24-08-24 heipor 12:30 PM)
Luti Tuber Ialong Vrs SCSC Nonglatem (24-08-24 heipor 2:30 PM)
Myrjai Vrs Mookynphad Mihmyntdu (26-08-24 heipor 12:30 PM)
Pasyih Cultural Vrs Madan Thadmuthlong (26-08-24 heipor 2:00 PM)
Mookaswan Dongwah Vrs Mookyrdup (27-08-24 heipor 12:30 PM)
Mulang Ialong vs Da I hi Mynsngat (27-08-24 heipor 2:00 PM)
Mynstep u sdang ki yalehke ka 2nd Division heiwa ka Madankynsaw Mowkyndeng u yachem ko wa ka Nangbah Dukhu heipor 12:00 waje pyrdi sngi wei daw pynbood da ka Moopliang waka Caroline heipor 2:00 waje i sngi.
Discussion about this post