Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.
Ha ka yalehke wa nyngkong, ka Myrjai da jop ko yaka Khliehchnong Ialong da 2-0 da ki kool wa thap da u Jumonki Phawa haka minit wa 5 wa u Bahduh Phawa haka minit wa 44.
Ka yalehke wa ar da kut ko da 1-1 hapyrdi ka Da-I-Hi Mynsngat waka SCSC Nonglatem.
Ya ka Da-I-Hi Mynsngat da thap kool da u Heltwis Pyrtuh haka minit wa 45 katwa ya ka SCSC Nonglatem da thap da u Living Suja haka minit wa 60.
Ki yalehke u pteiñ biang ki haka 31 tarik hapyrdi ka Lumchyrmang Mihmyntdu waka Loompyrdi Iongpiah heipor 10:30 i step wei daw pynbood da ka Lumsliarsliar waka Iooksi Youth Welfare 12:00 waje pyrdi sngi.
Discussion about this post