3rd Division: Jop ka Newhill, Madan Thadmuthlong, Mookymphad wa Dongnein Mookaswan

Ka 4^th U Adelbert Laloo Memorial Trophy kawa tip leh kam ka 3^rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa khat-ar ynne deiwa pynman biang soo tylli ki yalehke.

Ha ka yalehke wa nyngkong, ka Newhill da jop ko ya ka Moodymmai da 3-0 da ka Hat-Trick u Samson Swer uwa da thap ha ka minit wa 9, 30 wa 51.

Ha ka yalehke wa ar, ka Madan Thadmuthlong da jop ko ya ka FAM da 3-1 heiwa ya ka Madan Thadmuthlong da thap da u Pyniaid Tang ha ka minit wa nyngkong, u Precious Tang ha ka minit wa 55 wa u Womhasa Suchiang ha ka minit wa 70 katwa ya ka FAM da thap da u Yoohimi Oo Tre Patweth ha ka minit wa 30.

Ha ka yalehke wa le, ka Mookymphad Mihmyntdu da jop ko ya ka Lumiongkjam da 4-0 da ka Hat-Trick u Becousemi Shylla uwa da thap ha ka minit wa 13, 16 wa 44 wa u Dapyrkhat Suchiang ha ka minit wa 69.

Ha ka yalehke wa soo, ka Dongnein Mookaswan da jop ko ya Umchangiar da 2-0 da ki kool wa thap u Lastborn Phawa haka minit wa 13 wa u Ksaid Shylla ha ka minit wa 67.

Related posts

Ym yoh u SP wa u DC wow embynta ha ka Committee wa takit ya ka Shree Cement | Pynsangeh ka KSU yei yakhih

August 26, 2026

Ym em dawa ka KSU wow pynlait ya ki dkhot wa chah kem

August 26, 2026

Ki yalehke mynstep u pynman biang soo tylli kiwa man kamni ha wah:

Nangbah Khloopano Vs Mulang Ialong (11:00 AM)

Da-ihi Mynsngat Vs Lumchyrmang Mihmyntdu (12:30 PM)

Pammanik Vs Mookyrdup (02:00 PM)

Kseh Sylle Ialong Vs Iooksi Youth Welfare (03:30 PM)