3rd Division: Jop ka Pammanik, Mookswan wa Iooksi

Ka 4^th U Adelbert Laloo Memorial Trophy kawa tip leh kam ka 3^rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Arphaw-ar deiwa pynman le tylli ki ka yalehke.

Ha ka yalehke wa nyngkong, ka Pammanik da jop ko ya ka Mustem East da 7-0 da ki kool wa thap u Shanbait Pakma ha ka minit wa 10 wa 12, u Jamris Talang ha ka minit wa 21 wa 64, u Bestmiki Talang ha ka minit wa 40 wa u Shanbor Talang ha ka minit wa 62 wa 68.

Ha ka yalehke wa ar, ka Mookaswan Dongwah da jop ko ya ka Phramer da 3-1 heiwa ya ka Mookaswan Dongwah da thap da u Emi Ianga Phawa ha ka minit wa 43 wa 54 wa u Kermi Shylla ha ka minit wa 57 katwa ya ka Phramer da thap da u Phomi Tang ha ka minit wa 36.

Ha ka yalehke wa le, ka Iooksi Youth Welfare da jop ko ya ka Madanthad Muthlong da 2-0 da ki kool wa thap u Banpynroi Tang ha ka minit wa 42 wa u Sammaia Sumer ha ka minit wa 70+1.