Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Arphaw-wi deiwa pynman le tylli ki ka yalehke heiwa kawi da hap wow pyndam hapyrdi ka Nangbah Pohshnong waka Da-I-Hi Mynsngat na ki daw wym ye u kiar wei da rah tarik cha kawi won.
Ha ka yalehke wa nynkong, ka Pasyih Cultural da jop ko ya ka Pateinki Sabah da 4-0 da ki kool wa thap u Deiwi Rymbai ha ka minit wa 35+1, u Deini Dkhar ha ka minit wa 43, u Shaniah Siangshai ha ka minit wa 65 wa u Meki Rymbai ha ka minit wa 69.
Ha ka yalehke wa ar, ka Katholik Youth Mihmyntdu da jop ko ya ka Khliehshnong Ialong da 6-1.
Ya ka Katholik Youth Mihmyntdu da yoh Hat-Trick da u Wompher Dkhar uwa da thap ha ka minit wa 2, 26 wa 66, u Wanbait Chyrmang ha ka minit wa 36 wa 60 wa u Careme Dkhar ha ka minit wa 46 katwa ya ka Khliehshnong Ialong da thap da u Shanlang Lyngdoh ha ka minit wa 48.
Ha ka yalehke wa le, ka Lumchyrmang Mihmyntdu da jop ko ya ka Chyrmang Wah da 2-0 da ki kool wa thap u Lutmon Chyrmang ha ka minit wa 4 wa 53.
Ki yalehke u pteiñ biang mynstep le tylli kiwa man kamni:
Pammanik Vs Mustem East (10:00 AM)
Mookaswan Dong Wah Vs Phramer (11:30 AM)
Iooksi Youth Welfare Madan Vs Thadmuthlong (1:00 PM)
Discussion about this post