3rd Division: Psiah Quarter ka Mookaswan Dongwah wa Mulang Ialong

Ka 4^th U Adelbert Laloo Memorial Trophy kawa tip leh kam ka 3^rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Arphaw-phra ynne deiwa pynman biang ar tylli ki yalehke Pre-Quarter.

Ha ka yalehke wa nyngong, ka Mookaswan Dongwah da jop ko ya ka Mookyrdup da 2-1.

Ya ka Mookyrdup da thap da u Dennis Passah ha ka minit wa 2 katwa ya ka Mookaswan Dongwah da thap da u Bormi Shylla ha ka minit wa 43 wa u Khel Shylla ha ka minit wa 72.

Ha ka yalehke wa ar, ka Mulang Ialong da jop ko ya ka Da I Hi Mynsngat da 7-6 deiwa yachut Tie-Breaker hadien wa kut ka yalehke da 2-2.

Related posts

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Rah ka DERS FT yei naam Champion ka 4th Umsyngki Tournament ha Bataw deilang ka song poisa Rs.2 lak

February 16, 2026

Ya ka Mulang Ialong da thap kool da u Ritre Lyngdoh ha ka minit wa 11 wa u Richard Dhar ha ka minit wa 45 katwa ya ka Da I Hi Mynsngat da thap da u Banker Muksor ha ka minit wa 80+2 wa u Deepson Tokbi ha ka minit wa 80+4.

Da kini ki yalehke ynne, da kut noh ki Pre-Quarter.