3rd Division: Psiah Quarter ka Muhkla Umlangchor, Newhill, Madan Thadmuthlong waka Mookyrdup

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) ynne da sdang ko ya ki yalehke Pre-Quarter Final soo tylli.

Ha ka yalehke wa nyngkong, ka Mukhla Umlangchor da jop ko yaka Rising Sun Mukhla da 2-1.

Ya ka Mukhla Umlangchor da thap kool da u Niawkor Sari ha ka minit wa 49 wa 51 katwa ya ka Rising Sun Mukhla da thap da u D. Nongrum haka minit wa 65.

Ha ka yalehke wa ar, ka Newhill da jop ko yaka Mookaswan Dongwah da 2-1.

Related posts

Daw pynman ka Real Punjab FC ya ka Trial ha Jowai

June 1, 2026

Psiah Final ka Langsning hei sien wa nyngkong ha ka MSL deiwa pynrem ya ka Lajong

May 30, 2026

Ya ka Newhill da thap kool da u Thaura Nampui haka minit wa 40+1 wa u Dawanlang Laloo haka minit wa 41 katwa ya ka Mookaswan Dongwah da thap kool da u Slim Marboh haka minit wa 69.

Ha ka yalehke wa le, ka Madan Thadmuthlong da jop ko yaka Lumbhahdakha da 4-2 deiwa yachut Tie-Breaker hadien wa ka yalehke da kut ko da 0-0 hadooh wa kut i por.

Ha ka yalehke wa soo, ka Mookyrdup da jop ko yaka Tuber Ialong da 5-2.

Ya ka Mookyrdup da thap kool da u Nicky Boy Swer haka minit wa 9 wa 28, u Famous Plain haka minit wa 20, u Dennis Passah haka minit wa 45 wa u Nidaiar Kamar haka minit wa 64.

Ya ka Luti Tuber Ialong da thap da u Leader Mulieh haka minit wa 38 wa u Francis Pale haka minit wa 78.

Ini mut i wa ka Mukhla Umlangchor, ka New Hill, ka Madan Thadmuthlong waka Mookyrdup da yoh ki wow psiah Quarter Final.

Ki yalehke Pre-Quarter wa bood daw pynman biang soo tylli ha ka 16 tarik.